Вчера рано наутро, во тешка сообраќајна несреќа кај валандовското село Марвинци, загинал возач на „Југо“ кој удрил во столб од надвозник, по што автомобилот се запалил и целосно изгорел, соопшти МВР.
„На 01.11.2020 во Полициска станица Валандово било пријавено дека околу 05.10 часот, на магистрален пат А1 во близина на селото Марвинци, патничко возило „југо корал 45“, со велешки регистарски ознаки, сопственост на Г.П.(70) од Гевгелија, а управувано од непознато лице, удрило во бетонски столб од надвозник, при што од ударот настанал пожар во возилото, кое целосно изгорело, а возачот починал на местото,“ велат од МВР.
Пожарот е изгаснат од Противпожарната единица од Валандово, а од лекар била констатирана смрт кај возачот. Увид на местото на незгодата извршила екипа од Полициска станица Валандово, а по наредба на Јавен обвинител телото е предадено за обдукција, се вели во полициското соопштение.