Денеска градоначлникот на Општина Штип, Благој Бочварски заедно со директорот на ЈП „Стипион 2011“ извршија увид во градежните активности на крстосницата кај улиците Вита Поп-Јорданова и Борко Левата. Се работи за комплетно уредување на крстосницата за полесно движење на возачите. По завршените работни активности од страна на ЈП „Стипион 2011“ асфалтирањето ќе го изврши фирма, која ке ја добие јавната набавка.
„Денеска се наоѓаме на крстосницата кај библиотеката „Гоце Делчев“, односно на спојот на улиците Вита Поп-Јорданова и Борко Левата. Ова е една од критичните крстосници во овој дел од градот, кадешто гравитираат поголем дел на граѓани кон населбата Кадидаре и кон медицинското училиште „Јане Сандански“.
Инвестицијата е на Општина Штип и оваа крстосница чини околу 85.000 евра или 5.300.000 денари со вклучено ДДВ,“ изјави градоначалникот Бочварски.
Оваа крстосница беше испроектирана, помина на ревизија и го доби градежното одобрение. Во зависност од временските услови до крајот на годината оваа крстосница треба да биде готова.
