Редоследот на кандидатите на гласачкото ливче за локалните избори 2013 година беше утврден денеска со жрепка што се одржа во Државната изборна комисија (ДИК).
Пред коалицијата на ВМРО-ДПМНЕ ќе стојат три различни бројки на престојните локални избори.
Сите кандидати за градоначалници на ВМРО-ДПМНЕ ќе бидат под редниот број 18 на гласачкото ливче.
Во местата каде што коалицијата предводена од ВМРО-ДПМНЕ има 19 партии, односно таму каде што ДОМ на Лилјана Поповска има своја листа, да биде под реден број 6.
Во местата, пак, каде што коалицијата брои 18 партии односно таму каде што свои листи имаат и ДОМ и Партијата на Турците на Хасипи, ќе биде под реден број 4.
Стевчо Јакимовски во Карпош ќе биде под реден број 8. Кандидатите за градоначалници и советници на ДУИ секаде ќе бидат под реден број 17, а оние на ДПА под реден број 22.