Во повеќе населени места во општина Кочани за утре во периодот од 4 до 8 часот изутрина ќе се изврши второ прскање против комарци.
Запрашувањето ќе се врши од воздух со авиотретирање во кое ќе биде употребен широкопојасен инсектицид.
За оваа намена општината склучила договор со компанијата „Бони ер“ од Куманово. Со авионското третирање против комарците ќе биде опфатена површина од 3.400 хекатри во централното градско подрачје и приградските населбии дел од населените места во полскиот дел од општината.
Од општина Кочани апелираат до сите сопственици на пчелни семејства истите да ги заштитат во временскиот период на третирањето на површините од комарци.
Инаку до крајот на август општината ќе спроведе уште три акции за уништување на комарците од земја и воздух, од кои две од земја и една со авио третирање. За оваа намена општина Кочани од сопствениот буџет обезбеди 1 милион и 542 илјади денари, што е за околу 200 илјади денари повеќе од минатата година.