Филип Достовски кој произведува масло од канабис ги повика граѓаните на собир пред Кривичниот суд, каде утре треба да се донесе пресуда за неговиот предмет.
„Битката која ја водам не е само за мене и мојата слобода туку за декриминализација на ова растение кое лекува голем број на дијагнози и неговата примена во превенција на речиси сите болести е научно докажана“, вели Достовски.
Во четврток, 24 септември, во 13 часот треба да ја добијам пресудата за она на "М". Основно човеково право е да се бори…
Posted by Filip Dostovski on Вторник, 22 септември 2020
Тој е основач на движењето „Зелена алтернатива“ и поборник за лековитите својства на канабисот од кој произведува масло.
Пред четири години полицијата во неговиот дом пронајде див коноп кој според Достовски бил многу добар за епилепсија.
Првото рочиште против Достовски започна во 2018 година, кога граѓаните протестираа пред Кривичниот суд како поддршка за него и декриминализацијата на канабисот.