Претениците конститутивната седница ќе ја продолжат утре во 11 часот. Во попладневниот дел од денешното продолжение на оваа седница на која се расправаше за избор на Комисијата за прашања на изборите и именувањата преовладуваа реплики, контрареплики и процедурални забелешки.
Пратениците од ВМРО-ДПМНЕ побараа од пратениците на СДСМ да се откажат од платформата, а решението го гледаат во прифаќање на манифестот или нови избори. Пратениците од СДСМ, во попладневниот дел обвинија дека говорницата се злоупотребува за изнесување лаги.
Во Собранието денеска се одржа 13-тото продолжение на конститутивната седница на која на дневен ред е и избор на претседател на Парламентот.