Утре ќе врне дожд

Од:

Времето утре во Македонија ќе биде облачно со повремени врнежи од дожд кои наместа ќе бидат пообилни, а се очекува да наврнат и над 30 литри на метар квадратен, особено во западните делови. Во источните делови локално ќе има услови за интензивен пороен дожд, засилен ветер и грмежи.

Во доцните пладневни часови ќе има извесно намалување на облачноста и постепено врнежите ќе престануваат. Ќе дува слаб до умерен југоисточен ветер кој во попладневните часови ќе го промени правецот во северен и ќе донесе заладување и постепено стабилизирање на времето.

Утринската температура ќе се движи од седум до 14, а дневната од 11 до 17 степени.

Во Скопје претпладне и во утринските часови ќе има повремени врнежи од дожд и претежно ќе биде облачно, а веќе во попладневните часови постепено врнежите ќе се намалуваат, односно ќе престануваат. Ќе дува и слаб до умерен ветер од северен правец во попладневните часови. Утринската температура ќе се спушти до 10, а дневната ќе се искачи до 16 степени.
Во следните денови времето ќе биде претежно стабилно и суво. Дневната температура ќе опадне за пет до шест степени.

Би можело да ве интересира

Претпладне променливо облачно со услови за слаб локален дожд

Променливо облачно време со локални врнежи од дожд

Најстудено на Попова Шапка и во Маврови Анови, најмногу дожд во Гевгелија

Променливо облачно, попладне и во вечерните часови нестабилно со дожд и силен ветер

Најстудено на Попова Шапка, најмногу дожд во Крива Паланка

Облачно со повремен пороен дожд и услови за ретки грмежи