Претседателот на Собранието, Талат Џафери ги достави до Комисијата за деловнички и мандантно-имунитетни прашања, барањата за одобрување на притвор на пратениците инволвирани во настаните во Собранието на 27 април 2017 година.
„Согласно член 53 став 5 од Деловникот на Собранието на Република Македонија, претседателот на Собранието на Република Македонија, г.Талат Џафери, ги достави до комисијата за деловнички и мандантно -имунитетни прашања барањата за одобрување на притвор на пратениците Крсто Мукоски, Љубен Арнаудов, Јохан Тарчуловски, Сашо Василевски, Љупчо Димовски и Жаклина Пешевска поднесени од Основен суд Скопје I Скопје, Одделение за организиран криминал и корупција IV KOK.ПП. бр.384/17 од 28.11.2017 година“.
Неофицијално седницата на Комисијата за деловнички и мандантно-имунитетни прашања ќе се одржи утре околу пладне.
Виктор Јованов
