Заради технички зафати во електро-системот утре без електрична енергија ќе останат повеќе делови од Скопје, соопшти Регионалниот центар за управување со кризи на Град Скопје.
Од 11:00 до 15:00 часот без струја ќе бидат дел од корисниците од улиците Бутелски Венец и Индира Ганди во општина Шуто Оризари, од 9:30 до 11:00 часот населба Пирков Рид во општина Карпош, од 8:30 до 13:00 часот дел корисниците од улицата Радишанска (после последна станица на 57-ка) и патот за Љубанци во општина Бутел.
Прекин во снабдувањето со струја од 11:30 до 14:30 часот ќе имаат дел од корисниците на улицата Антон Попов – броеви 83, 85, 87, 89, 91 и 93 во општина Гази Баба, од 9:00 до 14:30 часот од северниот дел од Визбегово во општина Бутел, од 9:00 до 15:30 часот од селото Кучевиште во општина Чучер-Сандево, а од 12:30 до 14:00 часот корисниците од улицата Букор Иванович Глигорович во општина Аеродром.
Без струја ќе бидат и корисниците од улицата Иван Горан Ковачиќ во општина Аеродром и тоа од 8:00 до 12:00 часот, од село Горно Лисиче – на влезот кај каналот и тоа од 11:00 до 12:00 часот, а од 8:30 до 10:30 часот корисниците од делови од улиците Горно Лисиче и улицата Божин Николов во општина Аеродром.
