Усвоени предлог законите за Судски совет и за судовите

Од:

Владата денеска го разгледа и утврди новиот текст на Предлог – законот за изменување и дополнување на Законот за Судски совет на Република Македонија.

Основна цел на Законот е внесување мерливи квалитативни и квалитативни критериуми за оценување на работата на судиите и претседателите на судот на секои две години. Воедно се внимаваше на целосна избалансираност на критериумите во системот на оценувањето. Истовремено се интервенира и во однос на одребите за член на Совет со право на глас, рангирање на кандидати за избор на судии во повисок суд, се зајакнува одговорноста во работата на Советот и слично.

Со измените што се предлагаат се зајакнува квалитативниот критериум во оценувањето на судиите и претседателите на судовите во однос на квантитативниот. Истовремено се направени и вградување на препораките од Венецијанската комисија дадени во последните изменувања и дополнувања на Законот за Судски совет на Република Македонија, во однос на транспарентното работење на Советот. Се внесуваат и измените предвидени согласно Стратегијата за реформа на правосудниот сектор.

Владата го разгледа и утврди Предлог законот за изменување и дополнување на Законот за судовите, чие донесување произлегува од потребата за реформа на судството во Република Македонија, зацртана во Стратегијата за реформа на правосудниот систем, стратегиската цел на Република Македонија за членство во ЕУ и НАТО и потребата за остварување на преземените обврски за спроведување на ефикасни и континуирани реформи во судството базирани на европските стандарди.

Двата предлог-закони, за Судскиот совет и за судовите, ќе бидат доставени до Собранието на Република Македонија согласно член 137 од Деловникот на Собранието на Република Македонија на натамошна постапка за усвојување.

Би можело да ве интересира

Османи: И власта и опозицијата заеднички да работат на почеток на преговорите

Ана Ололовска

Владина делегација од понеделник на Генералното собрание на ОН во Њујорк

Ана Ололовска

Палмер: Новата влада во Приштина мора да биде подготвена да ги укине таксите

А1он

Владата не очекува проблеми во процесот на интеграција во НАТО, ратификацијата на протоколот техничко прашање

Ана Ололовска

Османи бил во увид, а не во инспекција, ќе си ја плати казната за зборување на мобилен во возило

Ана Ололовска

Османи-Могерини: Владеењето на правото-континуиран бенчмарк за европските интеграции

Ана Ололовска