Уставниот суд едногласно ги поништи во средата двете одлуки за распуштање на Собранието на Република Македонија, едната од 18-ти јануари 2016 година, а другата од 23-ти февруари 2016 година.
Образложението за поништувањето на одлуките донесени од страна на Собранието било исто како и Одлуката за поведување на постапка за оцена на нивната уставност.
Одлуката за поништување на двете одлуки ќе стапи на сила од денот на нејзиното објавување во Службен весник.
Минатата среда судиите едногласно донесоа одлука со којашто се запираат сите изборни дејствија, односно сите акти кои произлегуваат од одлуката за распуштање на Собранието.
Собранието истиот ден одржа седница на која беа направени повеќе измени и дополнувања на закони, меѓу кои и на Изборниот законик, со што беа одложени изборите кои беа закажани за 5-ти јуни.