Уставниот суд алармира за побрз избор на судии

Од:

Од Уствен суд алармираат за побрз избор на судии и велат дека е доведено во прашање носењето на одлуки поради некомплетниот состав веќе неколку месеци.

dobivaj vesti na viber

„Уставниот суд денеска ја одржа дванаесеттата седница за 2022 година на која присуствуваа сите петмина судии. На дневен ред беа ставени три иницијативи и едно барање за заштита на слободите и правата на граѓанин, но за ниту една од точките не се донесе одлука/решение поради недоволното мнозинство на гласови. Ова е прва седница на Судот на која не се донесе ниту една одлука или решение од точките предвидени на дневен ред.

Уставниот суд повторно алармира за сериозноста на ситуацијата затоа што доведено е во прашање носењето на одлуки поради некомплетниот состав веќе неколку месеци. Се работи на граница на кворум за одржување на седници, информираме дека повеќе од 30 предмети за кои не е добиено мнозинство во изминатиот период чекаат комплетен состав на уставни судии. Состојбата загрижува со оглед дека остануваат голем број на предмети поради недобиено мнозинство, а постои опасност иницијативите кои во меѓувреме пристигнуваат да треба да чекаат повеќе од предвидениот период за ефикасно решавање кое Судот го предвиде во годишната програма“, се наведува во соопштението од Уставен суд.

Би можело да ве интересира

Уставниот суд не донесе одлука за „работа во недела“

Уставниот суд го укина членот 12 од Законот за стратешки партнер

Николоска: ВМРО-ДПМНЕ не се откажува од партиски инсталации во судството, доказ за тоа се нивните предлози за уставни судии

Кои се кандидатите за уставни судии: Климовски, Витларов од едната, Јовески, Скендер предлог од другата страна

Кристијан Ландов

Мицевски: На власта и се брза да го наполни Уставниот суд со партиски кадри

За Кацарска, пратениците се несериозни: Зарем пет судии треба да дискутираме за уставноста на Преспанскиот договор

Кристијан Ландов