Државјанин на Грција, со автомобил „Мерцедес“, удрил во 67-годишна битолчанка која починала на лице место. Возачот бил приведен и е задржан во Полициска станица.
Како што информираат од МВР, на крстосницата од улиците „Македонски гемиџии“ и „Буримечка“ во Битола вчера околу 19:30 часот се случила сообраќајна незгода во која С.Т. (56) од Флорина-Република Грција, управувајќи патничко возило „Мерцедес Ц220“ со грчки регистарски ознаки, удрил во пешакот П.Н. од Битола, која починала на самото место на настанот. Смрт била констатирана од страна на екипа од Итна медицинска помош.
Увид на местото на настанот извршила екипа од СВР Битола. По наредба на Јавен обвинител над телото на починатата ќе биде извршена обдукција, а С.Т. бил лишен од слобода и задржан во Полициската станица Битола за понатамошна постапка.