Д.М. (28) од Виница, И.П. (39), З.З.(47) и Н.П. (37), сите од Скопје, вчера биле повикани на разговор во полиција за настаните во Собранието од 27 април, додека во домот на Ј.Л. (41) од Скопје најпрво е извршен претрес, а потоа и тој бил повикан на разговор.
Како што соопшти МВР, по извршените разговори Д.М., И.П.,, З.З.(47) и Н.П. се ослободени, а кај Ј.Л. (41) не се пронајдени предмети со кои е извршено кривично дело или кои потекнуваат од извршено кривично дело и по разговорот, и тој е ослободен. Во консултации со Јавен обвинител, против лицата ќе биде поднесен соодветен поднесок.
Секторот за внатрешни работи Скопје и натаму презема мерки и активности во врска со настаните од 27 април 2017 година во Собранието на Република Македонија и обезбедување на преостанатите кривично пријавени лица, како и на идентификација и документирање и на други лица учесници во настаните.