Во изминатите 24 часа во Скопје дури 16 пациенти починале како резултат на компликации од Ковид-19, што е досега најлошиот дневен биланс во главниот град од почетокот на пандемијата.
Починатите се на возраст од 54 до 84 години, покажуваат податоците на здравствените власти.
Во истиот период, регистирани се 570 нови случаи на болеста во Скопје, а оздравеле 407 пациенти. Со ова, бројот на луѓе активно заразени со коронавирусот се искачи на 10.130, што исто така е најголемата бројка досега.
Најмногу активни случаи има во општина Гази Баба – 1.490, што е малку повеќе од Аеродром (1.474), а во уште три скопски општини има над 1.000 активно заразени лица.
Еве како се распределени активните случаи по општините во Скопје и околината:
• Чаир – 639
• Гази Баба – 1490
• Аеродром -1474
• Карпош – 1186
• Центар – 1173
• Кисела Вода – 1245
• Ѓорче Петров – 874
• Бутел – 584
• Шуто Оризари – 206
• Студеничани – 52
• Сарај – 160
• Арачиново -31
• Илинден – 251
• Сопиште – 66
• Чучер Сандево – 99
• Петровец –128
• Зелениково -83
• Странец – 175
• Нераспределен- 214