Од денеска, Општина Карпош ќе започне со уредување на зеленилото меѓу зградите на улицата „Московска“, во Тафталиџе, во близина на пазарчето.
Комуналните служби на Општината ќе ги кастрат сувите гранки и ќе го подготвуваат теренот за обнова на зеленилото, на потегот кој со години делуваше запуштено, информираат од Карпош.
Општина Карпош ќе засади нова тревна површина и ќе постави систем за наводнување.
Локалната самоуправа продолжува со интензивно одржување на постоечкото и подигнување на нови зелени површини, велат од Општината.