Извршната директорка на Хелсиншкиот комитет за човекови права, Уранија Пировска за А1он потврди дека добила покана од Министерството за внатрешни работи утре во 9 часот да се појави на информативен разговор.
– Ме викаат на информативен разговор исто како професорот Гордан Калајџиев, за сторен прекршок за време на протестите, најверојатно за фрлање боја, нешто што јас и на дебата на Телма признав дека го правев. Очигледно е дека е таргетиран Хелсиншкиот комитет, што беше забележливо по приолизте на провладините медуми деновиве, рече Пировска.
Според неа, легитимно право на Хелсиншкиот комитет е да ја поддржува Шарената револуција исто како што е и правото на граѓаните да го фарбаат тоа што им припаѓа нив.
Претходно на информативни разговори беа повикани и професорот Гордан Калајџиев, кој заработи казна од 50 евра или општо-корисна работа, како и раководителот на „Мемоар Кафе“ кој бил распрашуван за „Белизе Бенд“.
Александар Тодески