Студентскиот пленум, по неколкуте анонимни дописи од средношколци за закани, ги охрабрува да се изборат за своите права. Еве ги препораките и упатствата од Студентскиот пленум:
— ЗА СРЕДНОШКОЛЦИТЕ —
Секој средношколец кој самостојно одлучил да се приклучи кон Студентскиот Марш треба да ги знае своите права околу учеството во овој настан.
Најпрво, правото на протест е загарантирано со Уставот. Секој акт на мирно јавно искажување на ставот на граѓаните на Р.Македонија, е заштитен со највисокиот правен акт во државата.
Понатаму, заклучување на врати од училишта со цел ограничување на учениците да излегуваат е постапка со која се прекршува уште едно уставно загарантирано право-правото на слободно движење. Доколку вие и/или вашите соученици се соочите со закaни и притисоци во обид да излезете од училиште, треба да знаете дека тоа е директно нарушување на вашата слобода на движење, право загарантирано со Уставот на Македонија.
Во тој случај, што да направите?
1. ДОКУМЕНТИРАЈТЕ ГО НАСТАНОТ;
Заклучените врати и заканите како намалување на поведение и впишување на оценки заради неколкучасовно отсуство се недозволиви. Секој доказ дека истото било направено е од голема помош. Материјалите да се достават до нашиот профил и до медиумите.
2. КОНТАКТИРАЈТЕ ГИ НАДЛЕЖНИТЕ ОРГАНИ;
Државниот просветен инспекторат е орган на државната чија надлежност е контрола на почитување на прописите во рамки на образовните институции.
Со анонимен повик, известете претставник од институцијата и побарајте инспектор да дојде во вашето училиште, кој потоа ќе ги увиди неправилностите и соодветно ќе превземе мерки за санирање на истите.
Контакт телефони од Државниот просветен инспекторат:
02/3117 896
02/3117 277
Раководејќи се од своите принципи, Студентскиот пленум, како досега, така и во иднина ќе остави на секој поединец самиот да процени дали ќе ги поддржи нашите активности. Се разбира, поддршката на средношколците е сосема природна и повеќе од добредојдена, со оглед на тоа дека тие се свесни дека ние во моментов ја биеме својата, но и нивната битка.
Средношколци, не се плашете, изборете се за своите права. Постојат механизми на заштита, ваше е да ги искористите