Координативното тело за интелектуална сопственост денеска, на Денот на пиратеријата, на депонијата „Дрисла“ ќе спроведе јавно уништување на одземени производи со кои се повредени правата од интелектуална сопственост.
Предмет на уништување ќе бидат производите одземени при координираните акции на Координативното тело за интелектуална сопственост и од одделните акции на државните инспекциски органи со кои се повредени правата од интелектуална сопственост во тековната година, а за кои се донесени правосилни и извршни кривични и прекршочни одлуки на надлежните судови.