На покана на македонскиот министер за надворешни работи, Никола Димитров денеска во официјална посета на Македонија ќе престојува неговиот унгарски колега Петер Сијарто.
Во рамки на посетата, предвидено е Сијарто да биде примен од претседателот на државата Ѓорѓе Иванов, од претседателот на Собранието, Талат Џафери и од претседателот на Владата, Зоран Заев. Сијарто ќе се сретне и со замениците на претседателот на Владата, Бујар Османи и Кочо Анѓушев.
Димитров и Сијарто ќе разговараат за билатералните односи, европската и евро-атлантската интеграција на Македонија, како и за внатрешно-политичката состојба во нашата земја и односите со соседите. Се очекува тие двајца да разменат мислења за актуелните регионални и меѓународни прашања.
За време на посетата ќе потпишат и Акциски план за соработка меѓу МНР на Македонија и МНР на Унгарија за 2018 година, кој предвидува конкретни форми и активности за натамошна соработка меѓу двете министерства.
