Унија на млади сили на ВМРО-ДПМНЕ од Куманово на денешната прес-конференција ги обвини локалната самоуправа и градоначалникот Зоран Дамјановски, дека по осум години владеење не покажаа волја за да го решат сообраќајниот хаос во градот.
-Како млади луѓе секојдневно се соочуваме со сообраќаен метеж, бројни сообраќајни несреќи кои не ретко резултираат и со човечки живот, ограничен простор на движење од многуте автомобили, кои што се индикатор дека црвеното светло одамна е вклучено-изјави претседателот на Унијата на млади сили на ВМРО-ДПМНЕ од Куманово, Срѓан Ивановски.
Тој нагласи дека проблемот со паркинг просторот не се решава со купување на буре бела боја и со исцртување на улиците со бели линии, кои значат гаражи.
-Не се решава проблемот така. Погледнете малку подалеку од Куманово, во другите општини, како Прилеп, Скопје, Битола и ќе видите како се решава проблемот со обезбедување на простор за паркирање, со изградба на катни гаражи. Од досегашните ветувања за изградба на катни гаражи во центарот на градот исполнивте само „катни“, односно се градат петкатни, шесткатни станбени згради, па и повисоки-додаде Ивановски.
Елена Георгиевска