Во два стана во Скопје вчера биле извршени кражби, при што се одземени вкупно 16.500 евра.
Како што соопшти МВР, вчера од 07:45 до 16:20 часот во Скопје на бул. „Јане Сандански“ непознат сторител со употреба на погоден алат извршил тешка кражба во станот на скопјанецот З.П.(55), при што одзел 12.500 евра, турска кама и златен накит. Полицијата презема мерки за пронаоѓање на сторителот.
Непознат сторител вчера во периодот од 21:00 до 23:30 часот на ул. „Миле Поп Јорданов“ во Скопје со употреба на физичка сила извршил тешка кражба во станот на скопјанецот С.Ј.(46), при што одзел 4.000 евра и златен накит. Полицијата презема мерки за пронаоѓање на сторителот.