Непознат сторител вчера во периодот од 16.30 до 19.15 часот извршил тешка кражба во станот на Н.Ј. (32) на ул. „Смилевски конгрес“ во Битола. Кражбата во 19.45 била пријавена во полиција.
МВР информира дека сторителот со употреба на сила влегол во станот и од лимена кутија во спалната соба одзел поголема количина златен накит и лап топ, а од дневната соба одзел 45.000 денари.
Увидот на местото на настанот извршила екипа од СВР Битола. Се преземаат мерки за пронаоѓање на сторителот и за целосно расчистување на случајот.