Непознат сторител вчера извршил тешка кражба во деловните простории на правното лице Друштво за информатичка технологија „Инплеер Хуб“ ДООЕЛ Скопје на ул. „Никола Кљусев“.
Како што соопшти МВР, Н.Ч., управител на правното лице, вчера во 17 часот пријавил дека кражбата била извршена истиот ден во периодот од 02 до 02.30 часот.
– Сторителот насилно ја отворил влезната врата, влегол внатре и одзел седум преносни компјутери во вредност од околу 248.000 денари, се наведува во соопштението.
Се преземаат мерки за пронаоѓање на сторителот и за целосно расчистување на случајот.