Украдени се пет пиштоли и еден револвер од багажник на паркирано возило во струшкото село Биџево.
Како што соопшти МВР, грабежот бил извршен од непознат сторител во периодот од 18 часот завчера до 15 часот вчера од багажник на возило „опел астра“ со струшки регистарски ознаки, паркирана во гаража сопственост на Е. М. (66).
Оружјето, возилото и куќата се сопственост на Е.М., кој пред седум дена заминал во Швајцарија.
Увид на местото на настанот извршила увидна екипа од НК КР Струга и се преземаат мерки за пронаоѓање на сторителот и целосно расчистување на случајот.