Непознати сторители украле две специјални камери наменети за следење на животни поставени во подножјето на Кораб, во вредност од околу 45 илјади денари.
Украдените апарати ги поставиле биолози како дел од проект за проучување на рисот на територијата на Националниот парк „Маврово“.
Кражбата во полиција ја пријавил Ѓ.И. (34) кој бил анагажиран да ја одржува опремата. Според СВР Тетово, во периодот од 5 до 13 март, двете специјални камери биле поставени во месноста Бродечки манастир. Крадците најнапред ги оштетиле кутиите и ги одзеле камерите во кои биле монтирани.
По повеќегодишно истражување, биолозите од Македонското еколошко друштво (МЕД) успеаа да заловат три риса и да го проучат ова животно кое е ретко и заштитено со закон.