Од куќа во дебарската населба „Венец еден“ украдени се 900 долари, околу 1.200 евра како и повеќе парчиња златен накит.
Крадците во куќата влегле без проблем бидејќи влезната врата била отклучена. Иако домаќините сеуште спиеле тие успеале да пребараат дел од собите во првиот кат и во една од нив го пронашле пленот.
– Кражбата се случила во саботата наутро. Од страна на екипа на Полициската станица во Дебар избршен е увид и се превземаат интенизвни активности за пронаоѓање на сторителите, изјави Стефан Димоски, портпарол на СВР Охрид.
По подолго затишје ова е втора тешка кражба на подрачјето кое го покрива Полициската станица Дебар.
Претходната беше регистрирана на 26 јуни кога од куќа во населбата „Ново коњаре“ беа украдени 8.510 американски долари и 7 илјади денари. Овој случај, како што се дознава, полицијата веќе го има расветлено.