Непознат сторител завчера украл 30 гулаби од дрвена куќарка во дворот на Е.Н.(22) од тетовското село Долно Палчиште.
Според пријавата на сосптвеникот штетата изнесува околу 30 илјади денари, информира денеска портпаролот на СВР Тетово, Марјан Јосифовски.
Според неговите податоци од почетокот на годинава досега на поширокото тетовско подрачје биле украдени над 900 гулаби при што вкупната материјална штета се проценува над еден милион денари.
Најчеста цел на крадците се гулаби од висококвалитетните сорти „Дунек“ и „Мелезар“. Кражбите најчесто се случувааат во ќумези што се поодалечени од куќите на нефреквентни и недоволно осветлени места и според полициската статистика кражбите зачестуваат напролет и на почетокот од есента.