Непознат сторител вчера попладне украл 3.000 швајцарски франци и 450 евра од домот на 76-годишниот А.М. во струшкото село Октиси.
СВР Охрид соопшти дека крадецот се качил на првиот кат од семејната куќа, со употреба на физичка сила успеал да влезе во внатрешноста. При пребарување во спалната соба одзел мала метална каса во која биле парите во разни апоени, како и неколку македонски и швајцарски кредитни картички, стои во информацијата.
Претставници на Полициската станица од Струга извршиле криминалистичко-технички увид и се преземаат мерки за пронаоѓање на сторителот.