Непознати сторители украле бела техника и покуќнина од куќата на 56-годишниот гостиварски печалбар С.У. во гостиварската населба Керамидница.
Според СВР Тетово, непознатите сторители во периодот помеѓу 13-ти и 20-ти овој месец, провалиле во куќата откако ги извадиле металните решетки од прозорецот во приземјето и го скршиле стаклото.
По пребарувањето од домот на С.У. украле телевизор, четири маси, два тепиха, микробранова печка, фрижидер, две машини за миење садови, бојлер и алат за работа.
Вкупната материјална штета во оваа кражба, се проценува на околу 250 илјади денари. Гостиварската полиција превзема активности за откривање на сторителите.