Околу 5.000 евра вреден златен накит биле одземени од засега непознати сторители од куќата на З.Х. од тетовското село Орашје, информираше денеска портпаролот на СВР-Тетово Марјан Јосифовски.
– Завчеравечер помеѓу 19 и 24 часот засега непознати сторители преку надворешните скали се искачиле на катот од куќата на 49-годишниот З.Х во тетовско Орашје. И додека сопственикот бил на приземјето тие од спалната одзеле десетина парчиња разновиден златен накит и бижутерија чија вкупна вредност се проценува на околу 5.000 евра, изјави Јосифовски.
Полицијата извршила увид и работи на откривање на сторителите.