Сеф со 7.100 евра, 2.200 долари, 10.000 денари и златен накит е украден ноќеска од куќа во Штип.
Како што соопшти полицијата, разбојништвото го извршиле засега непознати сторители, маскирани со фантомки. По 00:00 часот тие насилно влегле во куќата, со употреба на алат. Им ги врзале рацете на домаќините А.Б.(77) и М.Б.(70) со самолеплива лента. Од А.Б. го побарале клучот од сефот и притоа физички го малтретирале. Откако не успеале да добијат одговор, почнале да пребаруваат и во една од просториите го пронашле сефот.
М.Б. успеала да се ослободи околу 01:20 часот и настанот го пријавила во СВР – Штип. А.Б. е пренесен во Клиничка болница каде му се констатирани телени повреди и е задржан на натамошно лекување.
Се преземаат мерки за расчистување на случајот.