Непознати сторители во периодот помеѓу 7-ми и 8-ми јануари провалиле во куќата на Д.М. (60) во долнореканското село Присојница и украле неколку дестина парчиња златен и сребрен накит.
Според СВР Тетово, провалниците во куќата влегле со насилно отворање на прозорецот во бањата, по што ги пребарале сите простории во приземјето и на катот.
Од куќата тие заминале со плен кој се состоел од четириесетина парчиња разновиден златен и сребрен накит и еден женски рачен часовник. Вредноста, според сопственикот на куќата, се проценува на околу 300 илјади денари.
Увидна екипа на Полициската станица Гостивар излегла на терен, подигнати се траги за вештачење и се превземаат активности за откривање на сторителите.