Забраната за тешки товарни возила на планинскиот премин Стража е укината во 10:15 часот, а во 12:00 часот на патниот правец Маврово – Дебар. Останува во сила забраната за сообраќај на тешки товарни возила има на патниот правец Дебар – Струга.
Инаку, собраќајот на сите државни патишта во земјата се одвива во зимски услови, наместа со остатоци од снег по коловозите. Врнежи од слаб снег се бележат во северните, северозападните и југоисточните делови на државата. Поради ниските температури на повисоките места можна е појава на голомразица.
Од АМСМ препорачуваат внимателно возење, посебно на делниците кои минуваат низ клисурите и засеците на патните правци Катланово – Велес, Маврово – Дебар – Струга, Демир Капија – Удово, каде е можна почеста појава на одрони.
Интензитетот на сообраќај на патните правци надвор од градските средини е умерен. На граничните премини нема подолги задржувања за влез и за излез од државата.
