Денеска Собранието на Република Македонија ги изгласа измените во Законот за јавни набавки по скратено постапка, со што се укинува Советот за јавни набавки.
Министерот за финансии Драган Тевдовски најави дека се работи на изработка на нов закон, во кој што биле применети европските практики.
– Постојниот закон, донесен во 2007 година, претрпе 15 измени со што се отежни неговата примени, а според оценките на Европската комисија, измените во последните години и воведувањето на Советот за јавни набавки доведоа до оддалечување на законот од европските регулатови. Јавните набавките тешко се спроведуваа, има бројни бирократски бариери кои не придонесуваат кон спречување на злоупотреба, туку доведуваат до блокирање на институциите, рече Тевдовски.
Пратинокот Илија Димовски од опозициската ВМРО-ДПМНЕ реагираше бидејќи измените биле носени по скратена постапка и кажа дека поради тоа нема да ги поддржат.