Агенцијата за млади и спорт денеска донираше спортска опрема за училиштата од Општина Кисела Вода.
На потпишувањето на договорот, директорот на агецијата Александар Пујовски и градоначалничката Билјана Алексиќ-Беличанец го поздравија проектот за развој на спортот во Општините што го спроведува Владата на Македонија.
– Денешната донација се состои од пинг-понг маси, пинг-понг сетови, фудбалски топки, кошаркарски топки, ракометни топки, шаховски табли… со цела за развој на спортот и младите во Кисела Вода, истакна Пујовски.
Градоначалничката Алексиќ-Беличанец се заблагодари на Владата и Агенцијата за млади и спорт за донираната опрема и посочи дека опремата веднаш ќе биде распоредена во осум училишта и три подрачни.
– Знам дека ова ќе придонесе за поуспешен развој на спортот во нашата општина, бидејќи како традиција, Кисела Вода е препознатлива по својот расадник на врвни спортски кадри на европско и светско ниво, изјави Беличанец-Алексиќ.
Како што рече, во рамки на проектот на Владата на Македонија за изградба на 145 спортски сали, во Кисела Вода ќе се изградат уште две спортски сали од кој едната е во ОУ „Кузман Јосифовски Питу“ а другата е во ДУ „Димитар Влахов“ како и нов современ тениски терен во ОУ „Кузман Шапкарев“.