Учениците од 7-те основни општински училишта на територијата на општина Центар, заедно со градоначалникот Андреј Жерновски, денеска, во општинскиот двор засадија 7 нови зимзелени садници.
Учениците го поканија Жерновски, утре, заедно, во ООУ “Димитар Миладинов“, да ја проследат свечената приредба по повод одбележувањето на Денот на општина Центар.
На 21 талентиран ученик општината ќе им додели стипендии и ќе ги награди 15-те најдобри на конкурсот за најдобри литературни творби, цртежи и фотографии.
“Ние го вреднуваме квалитетот и талентот, а со доделувањето на овие награди ќе ги мотивираме оние кои годинава не добија стипендии или награди, да се потрудат повеќе за следната година. Сакаме најдобрата општина да има и најголеми успеси“, рече Жерновски.
Тој им порача на децата дека секогаш кога ќе ги видат денеска засадените дрвца, ќе се сетат на денешниот ден, затоа што со растењето на дрвата, растат и тие и општината.
Од децата, Жерновски доби на подарок – слика со извезен Феникс, кој се наоѓа на грбот на општината и секогаш симболизира повторно раѓање од пепелта.