Синоќа, околу 23 часот и 45 минути, на улицата Мара Угринова во близина на железничката станица во Гостивар се случило убиство и обид за убиство. Убиен е 63-годишен жител на Гостивар, а тешко е повредена 39-годишна дебранка, која по укажаната лекарска помош во гостиварската болница, поради тежината на поредите, итно е префрела во Клиничкиот центар во Скопје.
На убиството и обидот за убиство им претходела жестока вербална расправија меѓу 51 годишен жител на гостиварското село Чегране и повредената жителка на Дебар, кои подолго време биле во љубовна врска. Чегранецот од модифициран пиштол испукал еден куршум во главата на жената, а потоа и два куршума – еден во градите и еден во главата на гостиварецот, кој бил нивни познаник и се вмешал во караницата.
Повредите биле фатални за 63-годишниот жител на Гостивар, кој починал на самото место.На местото на настанот, набрзо по убистовото, пристигнал припадник на полициската станица од Гостивар, кој го совладал извршителот и тој е приведен.
По увидот на местото на злосторството, пронајден е пиштол, 3 чаури и еден проектил и тие се дадени на вештачење, а телото, по наредба на истражен судија, е предадено на обдукција.
