Седумдесет и осумгодишната стружанка Милица Лазаровска денеска на пладне беше убиена во центарот на Струга. Таа беше прободена со нож пред нејзиниот дом, во близина на Стопанска банка во Струга.
Како што дознава А1 неа ја уби со неколку убоди со нож во грбот 38-годишниот Гзим Максути од селото Калишта, кој веднаш избегал од местото, но полицијата за кратко време го откри и го уапси.
Седумдесет и осумгодишната старица во критична состојба веднаш била пренесена во болница, но сепак подлегнала на повредите од неколкуте убоди со ножот.
Мотивот за ова убиство не е познат засега и полицијата го утврдува со распит на приведениот Максути.
