Полицијата вчера околу 23.15 часот на улицата „Кичевска“ во Ѓорче Петров, ги уапси И.А.(35) и Б.С.(34), двајцата од Скопје.
Откако полицајците сопреле возило „БМВ“ управувано од И.А., во кое совозач бил Б.С., при извршен преглед пронашле три парчиња огнено оружје, и тоа пиштоли „Застава М57“ со рамки со муниција.
Лицата се приведени во полициска станица и по документирање на случајот од страна на полициски службеници од Одделението за недозволена трговија со оружје и опасни материи, Единицата за недозволена трговија при СВР Скопје против нив ќе биде поднесена кривична пријава по брза постапка, по што ќе бидат изведени пред судија на претходна постапка.