На 14.10.2019 година околу 03:00 часот од страна на полициски службеници од Одделот за гранични работи и миграција на автопатот А1 Скопје-Велес било запрено патничко моторно возило „крајслер“, со кумановски регистарски ознаки, управувано од 25 годишно лице, во кое сопатник бил малолетник, и двајцата од Радовиш, информираат од МВР.
При преглед на возилото, како што се наведува во соопштението на МВР, биле пронајдени 12 мигранти, на возраст од 23 до 48 години, од кои 11 од Бангладеш и еден од Пакистан.
Возачот и сопатникот биле приведени во Полициската станица Велес, а известен е и јавен обвинител.
По целосно документирање на случајот, против приведените ќе бидат поднесени соодветни поднесоци.
