Охридската полиција уапси двајца охриѓани сторители на повеќе од 15 кражби кои ги извршиле на подрачјето на Охрид и во дел од туристичките населби во текот на август и септември оваа година.Станува збор за Б.Т. (24) и С.Н.(22) против кои се поднесени и кривични пријави. Кражбите ги вршеле со употреба на арматурни клешти и друг подесен алат со што се стекнале се со против-правна имотна корист од 270.000 денари.
„Пријавените, со употреба на арматурните клешти и со физичка сила, успевале да ги разбијат сигурносните брави од влезните врати и прозори, а потоа, со кршење на стаклото и со употреба на физичка сила, насилно влегувале во куќите, становите и деловните објекти, одземајќи пари, колонијални производи, цигари и алкохолни пијалоци, облека и обувки, повеќе телевизори, огнено и сигнално оружје пиштол, моторна пила, златен и сребрен накит. На сличен начин, пријавените влегувале и во патнички моторни возила од каде одземале радио касетофони и ЦД плеери„ велат од МВР
Кај прво пријавениот Б.Т. пронајдени биле помала количина опојн дрога хероин, арматурните клешти и другиот алат погоден за извршување кражби како и еден дел од бесправно одземените предмети. Дополнително, во патничкото моторно возило „Опел Тигра“ кое го управувал Б.Т. пронајдени биле хебли и друг алат соодветен за кршење катинари и влезни врати, облека и други предмети.Инаку, пријавениот бил познати извршител на казнени дела и наркозависник против кого и досега биле поднесувани повеќе кривични и прекршочни пријави.
Мики Трајковски
