Уапсен е возачот на камион кој усмрти пешак на регионалниот пат Прилеп–Градско.
Според информациите од МВР, несреќата се случила на 11 мај во 18:05 часот, кога товарно возило „сканија“ со приколка и кавадаречки регистарски ознаки, управувано од Р.Ј. (45) од Кавадарци, удрило во пешакот К.Ѓ. (89) од општина Росоман.
Пешакот починал на местото на несреќата од здобиените повреди, а смртта ја констатирал лекар.
По наредба на јавен обвинител, телото на починатиот е предадено на Судска медицина за обдукција.
Увид на местото извршиле јавен обвинител и увидна екипа од ОВР Кавадарци, а по насоки на обвинителот возачот е лишен од слобода. По целосното документирање на случајот, против него ќе биде поднесена соодветна пријава.
