Патниците во ЈСП си дишат во врат, ги снема и налепниците за заштита од Ковид-19

Од:

Автобусите на ЈСП утрово се преполни. Патниците не само што не седат преку едно столче туку едвај наоѓаат место и за стоење. Растојание нема и меѓу оние што седат и меѓу оние што стојат. Патниците се жалат дека ги снемало и налепниците со кои било обележано каде може да се седне поставени за заштита од вирусот Ковид-19.

„Автобусот се преполни и уште на првите неколку станици. Не само што не се држеше растојание туку снема и воздух внатре од метежот. Морав да се симнав две станици порано и да пешачам оти внатре не се дишеше. И вака не е само денес. Откако повторно дозволија учениците да се возат, се врати метежот во ЈСП“, се пожали патничка на линијата број 5 која сообраќа од Ново Лисиче до Карпош.

Од ЈСП се недостапни за објаснување за метежот и исчезнатите налепници.

Во април годинава ЈСП со налепници ги обележа седиштата на кои е забрането седење, а со налепници на подот обележа каде може безбедно да се стои. Беа најавени двојни контроли за почитување на мерките и од ЈСП и од полицијата.

Од први септември повторно е вратен бесплатниот превоз за средношколци. Одлуката за бесплатен превоз на возрасни лица во вторник, петок и недела се уште не важи.

Ограничувањата во јавниот превоз беа воведени како мерка за заштита од ширењето на коронавирусот.

Би можело да ве интересира

141 нови случаи на Ковид-19, почина еден пациент

А1он

Филипче: Засега нема потреба од допoлнителни рестриктивни мерки

А1он

Со четвртиот пакет економски мерки помош за најпогодените сектори и категории на граѓани

А1он

Во шест македонски градови има повеќе од 100 активни случаи на Ковид-19

А1он

143 новозаразени со коронавирус, починале девет лица

А1он

Лекарска комора: Индивидуалните, неаргументирани тврдења за Ковид-19 на доктори го девалвираат трудот на оние вклучени во лекувањето

Ана Ололовска