Три лица се повредени во верижен судар што се случи синоќа на скопската обиколница кај Смилковското Eзеро во кој учествувале три автомобили, камион и автобус, соопшти МВР.
На 22.01.2025 околу 20.30 часот во СВР Скопје било пријавено дека на автопатот – обиколница на град Скопје, во близина на клучка Смилковци, се случила сообраќајна несреќа помеѓу возило „фолксваген голф“ управувано од К.С.(54) од Арачиново, Скопско, возило „хјундаи“ управувано од Б.Б.(54) од Косово, возило „БМВ“, управувано од Д.Д.В.(55) од Бугарија и паркиран автобус „Санос“ со скопски регистарски ознаки, наведуваат од МВР.
Во несреќата со тешки повреди се здобил возачот на „голфот“ К.С. од Арачиново, додека со телесни повреди се здобиле возачите Б.Б. од Косово и М.Д од Радишани, констатирани во Градската општа болница „Св.Наум Охридски“ во Скопје.