Полицијата извести дека вчера во 18.15 часот во СВР Велес било пријавено дека на регионалниот пат Велес – езеро „Младост“, во близина на крстосницата кај Башино село, се случила сообраќајна несреќа помеѓу возило „алфа мито“ управувано од И.А.(23) од Скопје и возило „опел корса“ управувано од К.М.(31) од Велес.
Во несреќата со тешки повреди се здобил К.М., додека другиот возач И.А. и неговата сопатничка М.Б.(25) од с.Водоврати, општина Градско, се здобиле со телесни повреди, констатирани во Општата болница Велес.
По овластување на јавен обвинител, извршен бил увид од увидна екипа од СВР Велес.