Синоќа на патниот правец Делчево-Штип, на место викано „Чифличка раскрсница“, се случила сообраќајна несреќа помеѓу три возила.
МВР соопшти дека во несреќата учествувале автомобил „ауди“, управуван од Б.Д.(23) од с.Борилчево, кочанско, патничко возило „хјундаи“, управувано од С.С.(30) од Штип, двете со кочански регистарски ознаки, и патничко возило „фиат панда“, со скопски регистарски ознаки, управувано од Д.С.(38) од Виница.
Во несреќата со тешки телесни повреди се здобила С.С., а останатите двајца возачи се здобиле со телесни повреди, констатирани во Медицинскиот центар во Штип, соопшти МВР.
Извршен бил увид од увидна екипа од Полициската станица Кочани.