Во Охрид денеска ќе почне дводневна тркалезна маса, на тема „Правото за бегалци и практиката“ (Криумчарење мигранти вклучително баратели на азил и безбедносна проверка на барателите на азил).
Организатори се Aкадемијата за судии и јавни обвинители „Павел Шатев“ и Високиот комесаријат за бегалци на Обединетите нации (УНХЦР) – Претставништво во Скопје.
Тркалезната маса е наменета за судиите од Управен суд и Виш управен суд кои постапуваат по предмети од областа на азилот и миграциите, како и за судиите и јавните обвинители кои постапуваат во предметите на организиран криминал од областа на криумчарење мигранти.
Со воведно обраќање тркалезната маса ќе ја отворат: судија Анета Арнаудовска, директор на Академијата за судии и јавни обвинители „Павел Шатев“, Џемали Саити, судија на Врховен суд на Република Македонија, Мохамад Ариф, претставник на УНХЦР во Скопје и Маринко Кочовски, помошник-директор на Секторот за гранични работи и миграции во МВР.