Тринаесетгодишно дете од кумановско загина во сообраќајна несреќа што синоќа се случила на регионалниот пат Куманово–Скопје, во селото Черкези.
Според информациите од СВР Куманово, во несреќата учествувале патничко возило „мерцедес“ со кумановски регистарски ознаки, управувано од 24-годишниот Ф.С. од Куманово, и електричен тротинет управуван од 13-годишен малолетник од селото Черкези.
По несреќата, малолетникот бил пренесен во Општата болница во Куманово, каде лекар констатирал смрт.
Од полицијата информираат дека возачот на автомобилот бил лишен од слобода во 21.20 часот и задржан во полициска станица.
Увид на местото на несреќата извршиле јавен обвинител од Основното јавно обвинителство и увидна екипа од СВР Куманово, а причините за несреќата се испитуваат.