Тринаесет лица не ја почитувале забраната за движење во периодот 22 часот синоќа до 05 часот утрово, информираат од Министерството за внатрешни работи.
Додаваат дека во текот на изминатото деноноќие пак на територијата на Република Северна Македонија, за мерката за носење лична заштита на лице, регистрирани се 513 прекршоци.
Министерството за внатрешни работи апелира до граѓаните да ги почитуваат мерките и протоколите донесени од Владата и сите заеднички да придонесеме за спречување на ширењето на Ковид-19.